【Now財經台】港股9月及第3季交易日就快完結，恒指及國指係環球主要指數中表現最差，今季暫時累跌逾20%，雖然今日開始冇北水，但港股今朝喺期指結算日造好，升完呢浸之後，會唔會好大機會再跌過？港股其中一個風險因素係咪人仔貶值？
資深證券業人士溫天納指，息率及匯率因素，加上環球經濟唔明朗，都令港股比較脆弱，近日亦跌得比較急，雖然今日出現反彈，但對後市睇法都傾向保守，其中一個關鍵因素係人民幣近期不斷貶值，到底係反映資金流走係咪一個短暫情況，還是因為美元近期強勢有一個對沖情況？都有待確認，但對港股後市嘅壓抑都比較大。
人民幣方面，佢認為有兩個角度要考慮，就係...
