【Now財經台】中國中免(01880)今日大部分時間有得升,同「十‧一」黃金周有冇關?內地疫情反覆,早前北京要求居民國慶假期「就地過節、減少出京」,集團193間店舖中,有30%係機場免稅店,係咪內地一日未通關,日均客流量都唔可能大幅回升?還是憧憬陸路邊境及火車站等免稅店流量可以帶動生意額及人流?
英皇證券研究部總監陳錦興指,憧憬黃金周只係短線因素,歸根究底近排成個市場氣氛都好差,投資者都搵唔到炒作新主題。其實今個星期黃金周相關股都算跑蠃,中免本身都有獨特嘅賣點,包括近乎壟斷嘅地位、完整嘅產品覆蓋面、強大網絡。
Stanley估計,中免股價未來或較為反覆,因為依家主要靠離島免稅業務去撐住,未來要再仔細留意業務發展,尤其係內地通關因素。