【Now財經台】受日本首相岸田文雄噚日喺紐約宣布恢復免簽自由行消息帶動，東瀛遊(06882)今朝高開近4%後，升幅一度擴大至近13%，高見0.87元，暫時連升第5日，暫時成交金額逾450萬元。
身在美國嘅岸田噚日宣布，日本會喺10月11日開始，恢復免簽證入境及自由行，加上日圓今年已眨值逾20%，都增加旅客去日本旅行嘅誘因，而港府話會考慮任何放寬入境檢疫安排，包括「0+3」及「0+0」方案，刺激東瀛遊股價衝上2018年7月高位。
東瀛遊股價今年已累升逾倍，14天RSI最新已升至90嘅極超買水平，相信大部分日本全面開關因素已經反映晒。
