【Now財經台】英倫銀行今晚會公布議息結果，市場維持加息0.5厘嘅預測不變，指標利率料升至2.25厘，英鎊兌美元匯價失守1.123水平，再創近37年半新低。
雖然英倫銀行要顧及經濟衰退的風險，如果只加息0.5厘，係咪對遏通脹效果唔大？
獨立外匯商品分析師譚家康認為，即使英倫銀行加息超過0.5厘，都好難扭轉英鎊劣勢，因為英國核心通脹急升係由能源短缺問題主導，佢預期問題最快明年第1季先會緩和。佢又提到，英國最新生產者物價指數(PPI)升幅細過消費物價指數(CPI)，呢個現象反映長線通脹將慢慢回落。Pierce建議，投資者可以等英鎊兌美元跌至1.15後再造淡。
