【Now財經台】截至早上11時止,1小時內《彭博》用戶關注度上升最多港股,依次為澳博控股(00880)、國泰航空(00293)、銀河娛樂(00027)、路勁(01098)、中國銀行(03988)。
澳博8月初公布 「4供1」,噚日收市後宣布供股超額認購1.7倍,聽日正式開始買賣,明明成功集資30億元係好事,但股價今日都係要跌,應該點解讀呢個情況?
椽盛資本投資總監曾永堅指,澳博股價由7月底約2.44元,一直炒至3元樓上,但其後明顯受制於100天線,若投資者睇住技術分析做買賣,都會選擇喺高位逐步沽貨,當中包括有份供股嘅碎股。
Jaseper補充,澳博今朝一度瀉逾10%,股價依家喺2.7元水平上落,但短線仍有活動空間。