【Now財經台】騰訊音樂(01698)首日以介紹形式在港第二上市，不過，即使股東背景實力雄厚，唔代表業績一定靚，集團今年中期盈利倒退，收入又錄得雙位數跌幅，過去唔少平台股曾受惠於疫情，點解騰訊音樂冇份？
華盛証券分析師聶振邦指，騰訊音樂喺內地影響力都幾大，所以公司業績表現對整個音樂平台產業鏈有一定啓示，現時內地疫情開始逐步回穩，唔少年青人開始外出參與唔同活動，會令音樂平台需求減少，因此，騰訊音樂中期業績出現倒退係可以理解，不過，騰訊音樂用戶數目每季都有增長，雖然業績短期未必錄得大褔增長，但有龐大嘅用戶力撐，或可以發揮新業務引擎。
