【Now財經台】榮昌生物(09995)今朝平開後，隨即展開升浪，並愈升愈有，中午收市前更見暫時即市高位，大升近14%，高見42.7元，午後升幅略為收窄，成交股數較過去100日同時段平均增近1倍，暫時成交金額逾9000萬元。
公司噚日收市後公布，指喺2021年銷售，用於治療系統性紅斑狼瘡嘅藥物泰愛，依家治療紅斑狼瘡有成果，令市場憧憬可以擴大藥物用途，進一步增加收入，榮昌股價今日喺成交配合下終止3連跌。
不過，雖然榮昌股價今日大升，但去到保歷加通道中軸，即20天線或41.97元水平遇阻，後市要留意相關消息可唔可進一步推高股價。
