【Now財經台】內地官方三番四次強調唔會搞大水漫灌，國務院總理李克強亦強調要穩住全國經濟大盤，主要透過稅務優惠嘅財政手段。雖然官方持續力谷個別重點行業嘅消費，例如提供新能源車購買補貼、家電下鄉等，但房地產問題，加上防疫措施導致經濟下滑，都不斷削弱內地居民嘅消費信心。
滙豐環球私人銀行及財富管理亞洲區首席投資總監范卓雲指，雖然人行喺8月減息，但房地產需求仍然疲弱，借貸增長亦不斷放緩，由於市場信心不足，中央強調會穩住內地樓市，佢估計，內地年底至明年上半年要提振內需，主要透過基建投資，睇返8月數據，房地產投資減少約14%，但同期國內基建投資增長14%，反映國內應對需求不足及經濟下行風險，主要透過提振基礎建設，而地方政府會加大發行地方債撐基建，尤其係綠色及數碼基建，將成為未來增長動力。
范卓雲又指，內地房地產市場持續調整，而喺「二十大」召開前各地將收緊防疫措施，導致…
