【Now財經台】在內地上市嘅寧德時代同喺香港上市嘅GX中國電車(02845)走勢都幾同步，齊齊跌至逾3個月低位，今日暫時都係跌約4%，成個板塊都表現唔好，可能同噚日乘聯會出嘅9月首12日零售銷量數據有關，按年冇增長之餘，按月更跌11%，加上內地4大車展之一嘅成都車展中途煞停，有媒體引述銷售人員指，車展期間只賣出2架車。
此外，《路透》今日下晝報道，Tesla擬改變中國零售戰略，考慮關閉北京等地陳列室，難免令人擔心Tesla喺當地嘅銷量，繼而影響Tesla電池供應商寧德時代嘅收入，加上四川限電推高電池原材料價格，不利公司動力電池業務，一旦市值跌穿萬億人仔，預示中國電車短期都仍然冇運行。
