【股市脈搏】太陽城復牌一衝即散

【Now財經台】停牌1個月嘅太陽城集團(01383)今日復牌，連埋同系嘅凱升控股(00102)，齊齊衝高回落，其中太陽城大幅高開逾35%，其後升幅一度擴大至逾46%，但之後無以為繼，最新僅升逾1%，成交股數較過去1個月同時段平均增約10倍，暫時成交金額逾840萬元。

太陽城集團聽日會正式改名LET GROUP，5月入主嘅盧衍溢折讓近60%提全購，每股要約價6.9仙。

集團股價今朝高開低走，可能係市場認為盧衍溢再提價機會唔大，加上公司業務充斥不確定性，可以留意公司正式改名後會唔會有新方向。