【Now財經台】截至早上11時止，1小時內《彭博》用戶關注度上升最多港股，依次為中金公司(03908)、復星國際(00656)、東亞銀行(00023)、綠城中國(03900)及新世界發展(00017)。
中金股價半日跌近9%，報13.06元，集團公布，A股及H股均以「10供3」基準供股，其中H股供股價約10.96元，較噚日收市價折讓近24%。
獨立股評人譚智樂認為，中金財務狀況正常，喺現時市況低迷下供股，更大可能係為咗籌集資金打救其他公司，由於折讓大，若小股東唔供就會被攤薄股權。
Arnold認為，小股東喺供股前先行沽貨離場較好，因為依家市況咁差，即使持貨唔多而選擇供股，股價短線有機會跌穿12.7元，即5月低位，對散戶嚟講都幾大殺傷力。
