【Now財經台】凱萊英醫藥(06821)H股今日創上市新低，A股更加跌停板，凱萊英H股價今朝低開逾3.5%，跌幅急速擴大，一度重挫逾13%，低見90.1元，創新低，最新喺91元水平徘徊，股價大跌亦有成交配合，雖然暫時仲未收市，但成交股數已係逾兩個多月以來最多。
除咗美國總統拜登簽行政命令嘅消息打擊凱萊英股價外，公司今年2月曾公布斥資5700萬美元，收購美國1家私營化學技術公司，仲話可以同公司現有CDMO業務產生協同效應，不過，呢間化學技術公司上周五宣布交易告吹，原因係滿足唔到美國外資投資委員會嘅要求。
凱萊英股價今日創上市新低，市值累計已蒸發咗四分之三，H股市值更跌至只得25億元。
