【Now財經台】美團(00369)近期走勢都好似有少少起色,今朝可以上返180元水平,淡倉連續3日有資金流入,5日合共有1400萬元坐貨。美團股價今早走勢反覆,資金係咪一直流入淡倉,好友係咪食糊居多?
瑞信上市交易產品部副總裁薛健鋒指,美團暫時冇明顯方向,有別於上星期五急升嘅情況,股價今朝去到180元水平,之前部署淡倉嘅投資者繼續持貨觀望,加上投資者會覺得股價上返180元再開倉已經遲咗,所以今朝美團兩邊都比較淡。
Lawrence又話,港股上周五急升,投資者擔心引伸波幅嘅波動較大,做淡倉嘅投資者會揀返啲中距離熊證,收回價介乎190元至200元,槓桿約10倍。