【Now財經台】國家醫保最新發布《種植牙醫療服務的專項治理通知》，指口腔種植服務未來將會進行集中採購，三級公立醫院種植牙目標價格會調整至4500人仔，即較現價平一半，呢個消息可唔可以炒起牙科股？
紅蟻資本投資經理李澤銘指，之前內地巿場傳出「種牙」服務目標價有機會減至2000人仔，不過，最終公布係4500人仔，產業鏈內各級利潤都豐厚咗，無論器材、機械及服務，全部都係贏家，結果的確令人意外。
今日兩隻牙科相關股齊齊炒起，李澤銘就話，未來要留意現代牙科(03600)會唔會成為主要供應商，而今次集採係包括種牙植牙，如果公司進入集採體系，呢方面嘅收入增長空間會幾大，至於時代天使(06699)同集採體系冇乜關連，今日純粹炒氣氛順便炒埋，股份本身估值亦太高，股價短期好難上返之前高位。
