我的股票

    名稱 現價 升跌

    資料報價延遲十五分鐘

    【財經TOP SEARCH】 港股勁彈純粹夾淡倉?

    【分析】 2022/09/09 14:18

    【Now財經台】截至早上11時止,1小時內《彭博》用戶關注度上升最多港股,依次為九龍倉集團(00004)、華潤置地(01109)、時代中國控股(01233)、中國海外發展(00688)及紫金礦業(02899)。

    九倉本身冇乜特別消息,但集團首席顧問吳光正噚晚發表2000字長文,正正係九倉上榜原因。疫情已持續3年,商界似乎都忍唔住要出聲,吳光正過去鮮有公開發表咁有力嘅言論,港股今日夾高,係咪憧憬香港同國際通關?還是純粹夾淡倉?

    大華繼顯執行董事梁偉源指,今日大市升得幾全面,唔同板塊都升得幾好,反而恒指連跌6日後,喺中秋長假前有啲夾淡倉情況,帶動指數上衝嘅機會較大。至於炒通關消息,其實都只係好初步,過去都聽到唔少商界嘅意見,指希望盡快通關,保持香港嘅競爭力,今次由吳光正呢個重量級人馬發表一篇長文,的確係比較罕見,反映商界對香港通關嘅渴求相當大,因而令投資者留意九倉股價。

    不過,Steven認為,內地政策暫時未有改變,尤其喺「二十大」前通關機會唔大,所以呢啲消息都唔會維持太耐。

     

    梁偉源
    大華繼顯執行董事
    想睇更多財經消息