【股市脈搏】阜博回購一個朝早炒完？

【Now財經台】業績期過後，唔少公司都開始有動作，包括紛紛宣布回購計劃，當中包括阜博集團(03738)。

阜博開市前宣布擬回購公司股份，股價今朝高開逾4%後，升幅一度擴大至逾15%，高見3.25元，不過，之後升幅急速收窄，阜博噚日收市重挫逾17%，今日收市都未必可以收復噚日嘅失地。

阜博股價6月開始跟隨SaaS板塊走弱，走勢一浪低於一浪，噚日更跌至近2年低位，跌穿保歷加通道底，雖然今日早段上返通道入面，但沽盤好快又湧現，似乎回購消息對股價只有短暫刺激。