【Now財經台】比亞迪電子(00285)今日先跌後升，早段一度跌逾3%，其後掉頭回升，午後曾大升逾9%，高見24.7元，收市報24.35元，升逾7.7%。比電1年以嚟首度重上250天線，即23元水平，可能受公司將為華為新手機提供配件嘅消息帶動。
蘋果公司發布新iPhone前，華為噚日搶閘推出新手機華為Mate 50，據報預訂量逾245萬部，比電正正係呢款手機嘅金屬中框、玻璃後蓋及鏡頭配件嘅主要供應商。
至於母公司比亞迪股份(01211)都有消息，集團會同3家公司合建動力電池工廠，生產刀片電池，亦有利投資氣氛。
比電14天RSI已升至近70嘅超賣水平，上次升至75股價先掉頭，睇下短線係咪可以企穩牛熊線以上。
