【Now財經台】SOHO中國(00410)中午出通告，指大股東潘石屹夫婦已辭任主席及CEO，股價下晝即時抽升，一度升過17%，高見1.6元，錄得半年以來最大單日升幅，其後升幅收窄，但仍keep住逾10%升幅，今日成交異常活躍，成交股數較過去100日同時段平均飆約20倍。
黑石集團舊年6月計劃以每股5元收購SOHO，刺激股價一度抽高至4.78元水平，但因為反壟斷審批問題，最終未能成事，SOHO股價自此一沉不起，唔止打回原形，仲要跌凸。
SOHO今年3月7折賣京滬物業，消息刺激股價單日大陽燭抽升，但喺高位有回套，仲出現一條好長嘅上影線，如果睇圖同今日差唔多，上次股價第2日已經撐唔住，但今次就好少少，起碼突破到100天線，要留意今次人事變動後，會唔會有新賣盤動作及基本面有改善。
