【Now財經台】內地上周五公布《藥品網絡銷售監督管理辦法》總結，內容大致都符合預期，過往有呢啲文件出台，除非內容加入特別棘手嘅條文，否則，市場都會解讀為不明朗因素已經消退，不過，多隻互聯網醫療股，包括阿里健康(00241)、京東健康(06618)、平安好醫生(01833)股價連日嚟反覆向下，今日跌幅都幾顯著，到底係咩原因？
大唐資本投資策略總監盧志明指，雖然今次呢份總結嘅措施同市場預期出入唔大，但投資者真正關心係當措施落實，係咪可以令相關企業盈利大幅增長，當成個板塊嘅前景同市場期望有較大落差，又冇乜利好消息傳出，加上市況咁弱，股價好難有明顯上升動力。
