【Now財經台】百仕達控股(01168)增資眾安在綫(06060)非全資附屬眾安國際，涉及約1億美元，眾安國際係由4名股東合資持有，包括眾安在綫、百仕達、鄭裕彤家族嘅周大福控股、Opportunities Fund，而百仕達就持有眾安在綫約5.5%股權，今次增資係咪變相喺依家投資氣氛欠佳下，曲線打救眾安在綫？
《香港股票財技密碼》作者梁杰文指，的確唔可以否認呢點，2017年成立嘅眾安國際，主力拓展海外市場嘅金融科技或保險科技相關業務，而市場最關注喺香嘅港眾安虛擬銀行，成立以嚟暫時仲係要蝕錢，而最新一個年度嘅虧損亦未見收窄，呢類長遠投資前期需不斷加注，過往眾安國際其他股東都有按比例注資，可能今次輪到百仕達，事實上，注資7億元唔係一個小數目，所以的確有啲打救嘅味道，百仕達本身主打內房業務，喺依家嘅環境下其實更加需要現金，所以今次咁大手筆注資，估值只係上年初嘅水平，出手已經算幾慷慨。
