【Now財經台】藍籌中升控股(00881)中午出咗業績，按年少賺7.3%，如果同去年下半年比較更大跌26%，呢個係咪股價午後愈跌愈多嘅主因？中升股價連失40元、39元兩關，5月「染藍」至今已累跌逾20%，仲有幾大下跌空間？
獨立股評人譚智樂估計，未來一段時間會見到大行下調中升目標價，中升呢啲4S企業係典型輕資產行業，只要冇庫存壓力，現金流就會好健康，雖然中升現金流好健康，但庫存明顯增加，呢個正正係市場短線最關注嘅問題。
Arnold又話，如果睇估值，中升真係好平，就算計埋盈利倒退因素，PE都只係10幾倍，問題係睇唔到公司有穩定嘅盈利能力，以及長遠點樣可以有穩健增長、發展，呢啲都可能令中升短期出現over sell嘅狀況，如果作長線投資，現水平可以繼續守，短線如果上唔返40元樓上，或要下試36元，甚至35元。
