【Now財經台】截至早上11時止，1小時內彭博用戶關注度上升最多港股，依次為比亞迪電子(00285)、遠洋集團(03377)、中遠海控(01919)、農夫山泉(09633)、建設銀行(00939)。
比亞迪系派咗成績表，其中比電上半年少賺61%，毛利率跌至5.33%，但集團之前冇發過盈警，所以呢份成績表好意外，拖累股價一度挫近9%，比電呢份業績係咪令市場好失望？
英皇證券研究部總監陳錦興指，比電業績的確令市場失望，毛利率顯著受壓，反映集團喺上半年高通脹環境下，面對原材料、供應鏈唔穩定等問題，加上之前比電嘅市場管理唔理想，股價出業績前已經牛皮，放榜後更加波動。
Stanley提醒，如果今日趁低吸納，但比電股價整體走勢偏弱，短期業績唔理想會令更多大行跟進，下調評級或目標價等，應該繼續有沽壓要消化，所以短線走勢唔樂觀。
