【Now財經台】石墨稀概念股烯石電車新材料(06128)月中公布發售美國預託股份(ADR)集資後，股價大上大落，一度衝上1.54元，但今日開市前公司話要行使ADR超額配股權，股價今朝輕微高開後，好快就掉頭向下，並愈跌愈多，更一度失守1元關口。
《香港股票財技密碼》作者梁杰文指出，今次發售ADR嘅集資成本佔總集資額達20%，即逾200萬港元，遠多過喺香港配股，扣除成本後，實際袋得逾7000萬元，其中三分之一用作擴展業務，另外三分之一用嚟還債，佢估計，公司可能急需短期資金。
Mike又話，稀石電車舊年先轉型做石墨稀，主營加工同銷售，加上集團舊年收入增長但虧損跟住擴大，對比另一概念股中國石墨(02237)有埋礦場就更有優勢。
