【Now財經台】氫能概念股再有炒作，其中早前發盈喜嘅東岳集團(00189)，股價過去2日累升14%。東岳周一收市後出咗中期業績，多賺1.8倍，毛利率大升逾10個百分點，中金更指出，呢份係東岳表現最好嘅半年業績，但績後連續兩日捱沽。
中國通海證券投資策略聯席總監阮子曦解釋指，東岳上半年業績靚，主要係當時集團生產嘅上游資源化工產品，例如有機硅、製冷劑等價格高企，帶動收入顯著增長，不過，下半年唔少化工產品價格顯著回落，加上早前市傳其中1名股東破產，令東岳股價受壓。
Harry提醒，東岳業績僅短暫刺激股價，下半年產品價格下跌，先係主導股價嘅長期因素。
