【Now財經台】港股中午復市，周黑鴨(01458)高開逾1.5%，雖然升幅一度擴大至逾2.6%，但好快就掉頭向下，最多跌近13%，低見3.31元，臨近尾市跌幅收窄，收市跌逾6.5%，收報3.55元，成交股數較過去100日同時段平均成交增加3倍。
周黑鴨前日收市後出咗中期業績，期內少賺92%，符合盈警預期，股價已連跌第2日，但沽壓今日突然加劇，公司噚日用咗近3億元喺市場回購債券，可能見大行陸續出報告削公司目標價，但似乎都係箍唔住小股東。
周黑鴨股價連續兩日大成交下跌，但14天RSI仲未超賣，最新喺32水平，小心股價仲未跌完，暫時先睇3月中低位3.15元，留意呢個前期低位搵唔搵到較大支持。
