【Now財經台】從事房地產服務配套軟件及解決方案的明源雲(00909)，上半年轉蝕5.6億人仔，但管理層預期明年可以扭虧，會唔會過分樂觀？
獨立股評人莫灝楠指，喺較差嘅環境下，管理層可能用相對理想嘅劇本，去假設事情嘅結果，但目前嚟睇，明源雲明年要扭虧就比較難，因為依家距離2023年只剩約4個月，呢段時間內房會唔會有轉機，仲係未知之數，雖然中央不斷有扶持內房嘅政策，但市民買樓意慾仍然好低，若財富效應不斷減弱，隨時「火燒連環船」拖累汽車、家電、基建等行業板塊，因此，Casper認為，即使明源雲明年可以扭虧，都未必賺好多。
