【Now財經台】截至早上11時止，1小時內《彭博》用戶關注度上升最多港股，依次為郵儲銀行(01658)、世茂集團(00813)、銀河娛樂(00027)、合景泰富集團(01813)、金沙中國(01928)。
郵儲行績後捱沽，大行報告亦好壞參半，雖然利息收入及淨息差表現麻麻，但收費及佣金收入仍算唔錯，明明郵儲行屬於經營穩健，亦係內銀早年最爆炒嘅一隻，但股價依家跌至52周低位，其實投資者擔心乜嘢？
椽盛資本投資總監曾永堅指，市場憧憬郵儲行喺財富管理業務有快速增長空間，雖然睇返業績，財富管理手續費收益的確交到功課，但市場同時聚焦集團嘅資產素質，因為有關房地產嘅不良貸款額度及不良貸款率大增，呢啲數字一定會影響投資者信心，導致郵儲行股價表現較差。
