【Now財經台】光大環境(00257)今朝平開後，一度輕微至4.07元，但好快就掉頭向下，仲愈跌愈多，最多跌近7%，跌至近1年低位，收市仍跌6.4%，報3.78元，成交股數較過去100日同時段平均增逾2倍。
睇返技術走勢，光大環境今日保歷加通道中軸跌至底部，現時底部喺3.82元，對上兩次跌穿保歷加通道底部，分別係今年3月及4月底，但兩次跌穿後，只需一至兩日就收復返，甚至上返上軸位置，現時上軸喺4.23元，但值得留意係，由於股價自7月起至今續受制於條中軸，即20天線，除非有新利好消息，否則即使短期股價反彈，反彈的空間都有限，後市暫時睇實20天線，4元水平。
