【名家給力場】美股僅熊市反彈

【Now財經台】美國噚晚出爐嘅經濟數據表現唔好，其中紐約州製造業活動指數錄得面世逾20年以來第2大跌幅，而房屋建築商信心指數(NAHB)則連跌8個月，錄得2007年次按危機以來最長跌浪。不過，美股仍然硬淨，3大指數噚晚都有得升，美股牛市係咪已經重臨？

經濟師羅家聰指，由NAHB數據見到，美國樓價明顯向下，而樓市一向都係美國嘅領先指標，所以當樓市出問題，經濟衰退機會就好高。此外，美國長短息倒掛亦反映衰退好大機會喺未來12個月發生，不過，相信美股會喺年底至明年先反映，又認為美股依家只係熊市反彈。