【Now財經台】興科蓉醫藥(06833)股價今朝輕微低開，臨近中午收市突然「洗倉式」急瀉，一度暴瀉近84%，低見0.183元，收市仍重挫逾68%，報0.365元，成交股數3.89億股，佔已發行股數19%，亦較過去100日同時段平均激增59倍，成交金額近1.2億元。
興科蓉醫今日未見傳出重大不利消息，但成交股數佔已發行股本近20%，到底係大股東減持，還是畀人斬倉，要留意公司稍後會唔會出通告交代。
集團股價今日暴瀉，由蚊股淪為毫子股，亦錄得公司2016年上市以來最大單日跌幅，後市要睇實公司有冇後續通告，穩一穩投資者信心。
