【股市脈搏】中廣核礦業破250天線獲利盤湧現

【Now財經台】中廣核礦業(01164)噚晚發盈喜，預期今年上半年賺最多3.6億元，按年大增9倍，係2002年上市以來表現最好嘅半年業績，亦差唔多相等於過去2年嘅盈利總和。

中廣核礦業今朝高開逾11%後，升幅一度擴大至逾17%，高見0.95元，成交股數較過去100日同時段平均大增8倍，暫時成交金額逾2500萬元。

睇返技術走勢，中廣核礦業今日一升，已突破250天線，其實之前一直受制呢個位，但今日衝破之後即刻有獲利盤出現。