【Now財經台】SaaS概念股中國有贊(08083)出咗中期業績，收入按年跌9.2%至7.29億人仔，虧損擴大至2.6億人仔，繼續唔派中期息，不過，股價不跌反升，今朝高開逾5%後，一度升逾11%，之後升幅顯著收窄，暫時成交金額約900萬元。
雖然大數麻麻哋，但拆細嚟睇都見到有改善，例如透過非快手(01024)渠道嘅商家解決方案收入按年升約25%。管理層話，對下半年表現有信心，估計商品交易總額及商家解決方案收入可以回復增長，可能係股價逆市有得升嘅原因。
大市氣氛偏差，雖然股價今日升咗上去，但都有沽壓，暫時開咗枝陰燭，睇嚟技術走勢同業績一樣，仍需時掃除不明朗因素。
