【股市脈搏】中糧家佳康發盈警因為隻豬？
【分析】 2022/08/05 11:44
【Now財經台】中糧家佳康(01610)發盈警，估計中期蝕近14億人仔，拖累今日股價受壓，一度挫逾8.5%，低見2.98元，主動賣盤63%，成交較過去100日同時段平均增3倍，暫時成交金額逾1.9億元。
中糧家佳康股價6月升咗18%，主要係市場憧憬豬價升利好公司業績，但好快就惹嚟發改委關注，指企業唔可以囤積居奇，投放豬肉儲備保供穩價。
中糧家佳康股價7月累跌10%，今日再受盈警打擊，6月以來嘅升幅已經蒸發晒，更要下試250天線，公司8月下旬會出業績，後市要留意集團會唔會修定全年指引。
想睇更多財經消息
