【Now財經台】受台海局勢影響，避險情緒升溫，3隻風電股創52周低，更大幅跑輸恒指，舊年龍頭龍源電力(00916)及大唐新能源 (01798)股價倍升，今年4月及5月內地實施一系列封控措施，雖然6月復工復產，但最新出爐嘅7月官方及財新製造業PMI令市場失望，宏觀經濟環境變化會點影響綠電股？
獨立股評人譚智樂指，綠電股舊年升咗好多，主要係有國策扶持，令市場睇好綠電股前景，利好因素過分反映喺板塊上，今年經濟及市場氣氛差，雖然業務冇受好大衝擊，不過，在缺乏利好因素下，加上風險因素隨著經濟差逐步浮現，上年嘅升幅已回套咗大部分。
