【Now財經台】威訊控股(01087)股價今日一度炒高近12%，但之後走勢逆轉，午後一度倒跌近6%，低見1.1元，創上市新低，但成交唔多，暫時成交金額僅逾91萬元。
公司噚晚發通告，指周三喺場內盡沽持有嘅力高健康生活(02370)，當日正正係力高健康暴跌，威訊剛好趕及洗倉前全身而退。
除本業外，威訊長期有投資新股，據年報披露，威訊喺2017年開始投資新銳醫藥(06108)，但金額唔多，停牌逾4年嘅新銳今年3月終於復牌，之後股價一度由0.1元炒上2.7元，但最新又打回原形，後市要留意威訊喺下一份業績點交代手上投資持股。
