【股市脈搏】藍月亮9連升後仲有水位？

【Now財經台】藍月亮集團(06993)股價暫時連升第9日，累升16%，集團發咗「假盈警」後展開升浪，藍月亮預告上半年蝕逾1.3億元，但值得留意係，上半年收入及毛利按年分別升22%和21%，由於線下分銷渠道銷售增加，帶動收益上升，意味主營業務喺上半年表現好咗。

藍月亮技術走勢亦好轉，股價連升幾日後，挑戰250天牛熊線，近3日都可以企穩250天線，即6.43元水平，依家大行平均目標價約6.6元，即現價水平，同最大阻力位8元仍有一段距離。