【now.com財經】今朝揀咗隻恒指牛(61196)出嚟，收回價同現價都有成400幾至500點差距，所以係有預咗用一兩日時間去部署呢一注好倉，而入市方法一如以往用返最Basic同安全嘅Swing Trade，喺五分鐘圖上見Slow STC(14,3)回返落嚟超賣水平時先進場。
等到大約11點35分左右，見指數似出咗比較明確向下行嘅方向之後，開個五分鐘圖就見到保歷加通道口拓闊，比緊位指數向下行，同一時間Slow STC(14,3)兩線亦被推底至超賣至嚴重超賣範圍，以11點35分至上半場完場前Slow STC(14,3)都係見超賣水平計，(61196)高低位做過0.055元/0.048元，平均買入價為0.0515元。
承言，呢注好倉出得都有少少手震，事關大市今朝都真係幾好跌，喺作戰室度較早時段開出好倉後，指數高位並於五分鐘圖上再次失守保歷加通道再而開淡倉，同時呢注淡倉亦見保歷加通道口拓闊，所以有戰友先到有22格落袋咁強嘅戰績；咁你話，萬一保歷加通道口係稍後嘅時間keep住拓闊，又比位指數Keep住再下行的話，咁隻(61196)係咪麻煩先。
午後返嚟見指數第一下向上抽高，但仍然不敵保歷加通道中軸，指數有再向下稍回唯目前(1點28分)於保歷加下降通道行出「三角形」走勢，同時保歷加通道口進一步收窄，指數失呢個「迷你三角形」唔緊要，麻煩嘅係如果指數行完「迷你三角形」之後決定要向下嘅同時，保歷加通道止停收窄，咁(61196)就要捱啦。
Set定個止蝕位，就係如果指數失守「迷你三角形」嘅同時，保歷加通道口停止收窄的話，(61196)要如時走。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
