【Now財經台】英恒科技(01760)中午發盈喜，估計中期最少多賺1倍以上。英恒股價今朝高開逾1%後，曾短暫倒跌，之後重拾升勢，中午發咗盈喜後，升幅一度擴大至逾10%，高見7.55元，之後升幅收窄，收市報7.19元，升近近5%。
睇返英恒技術走勢，今輪升浪由5月展開，即係同之前汽車股嘅升浪同步，一直升到今日嘅17個月高位，依家14天RSI只係70，未算超買，留意後市有冇力上返去年初前雙頂嘅第1個頂，即8.98元水平。
但值得留意係，英恒股價去年初係冇乜消息下炒上，見左高位後冇耐就宣布折讓配股，今次會唔會又歷史重演？
