【Now財經台】時代天使(06699)今朝低開逾5%，開市報143元，之後跌勢持續﹐股價一度低見128.1元，重挫逾15%，成交亦明顯多咗，成交股數較過去100日同時段平均增加7倍。
時代天使股價今日插水，應該同公司噚日收市後發盈警有關，集團預期，上半年少賺最多逾30%。值得留意係，早喺1個月前公司首席執行官及前執董都減持公司股份，似乎高層都對前景冇乜信心。
睇返時代天使股價，公司上市逾1年，股價曾高見488元，不過，因為估值高兼盈利增長轉差，上市價173元都頂唔住，後市要留意大行點睇公司呢個盈警，會唔會削目標價。
