【股市脈搏】企展突異動曾夾高逾50%

【Now財經台】企展控股(01808)股價今日高開逾5%後，升幅一度擴大至逾50%，衝破2元水平，高見2.3元，見逾1年高位，收市仍升36%，報2.05元，成交股數比起過去100日同時段飆25倍，全日成交金額逾1300萬元。

企展本身冇乜特別消息，但自月中起股價就有啲異動，公司月中宣布擬折讓配股，但配股消息傳出冇耐就被聯交所讉責，之後公司出通告道歉，其後股價就開始做好。

睇返技術走勢，14天RSI已升穿80，去到超買水平，要留意企展股價短期內大幅波動，後市係咪可以繼續企穩喺高位。