【Now財經台】摩根士丹利認為，上海復旦(01385)作為軍用級晶片FPGA主要供應商之一，現時全國市佔率僅2%，增長空間巨大，相關毛利率高達90%，有望拉動整體毛利率水平，最新就上調復旦今年毛利率預測，大摩估計，復旦嘅FPGA產品未來有機會成為集團主要增長引擎。
華盛証券分析師聶振邦指，從數據上嚟睇，舊年復旦FPGA收入佔整體17%，反映復旦業績相對分散，所以當其中一個範疇錄得顯著增長，就會對整體收入帶嚟利好作用，因此，如果FPGA收入顯著增長，復旦前景係值得睇好。
聶Sir又話，FPGA唔單止係軍用，其實一直都有民用，例如影音設備、手機等，最大嘅優勢係客人購買後，可以按個人需要調整程式，加上復旦係FPGA領域嘅先驅企業之一，呢啲因素都會利好公司前景。
