【股市脈搏】光控補下跌裂口唔容易

【Now財經台】中國光大控股(00165)噚日收市後發盈警，估計中期最多轉蝕28億元，係有紀錄以來最差嘅中期業績，光控股價今日由頭跌到尾，今朝開市先沽一浸，股價臨近中午收市一度低見6.23元，跌近10%，錄得約7年以來最大單日跌幅，收市報6.26元，跌逾9.4%，全日成交金額逾1.2億元。

光控股價今日大跌，14天RSI已跌至21嘅超賣水平，值得留意係，光控今日成交唔少，要補返今日個下跌裂口，相信難度好高。