【Now財經台】麥格理最新下調海螺水泥(00914)及華潤水泥控股(01313),第2季及全年每噸水泥毛利預測,又估計水泥毛利受壓,將直接威脅包括海螺、潤泥在內嘅水泥股全年盈利,水泥股今日普遍跟隨大市造好,想入手應該揀邊隻?
紅蟻資本投資經理李澤銘指,水泥股前景的確係差咗,但相信海螺或潤泥股價下跌已反映咗負面因素,雖然內地下半年經濟一定好過上半年,但始終內房變數太大,改善到幾多都係未知之數,水泥股Q2毛利率,就算海螺、潤泥都無可避免會較差,如果要揀1隻有機會跑贏嘅股份,海螺身處嘅華東地區已復工復產,會比其他地區有明顯優勢。