【Now財經台】7月過咗一半，港股3大指數暫時累跌6%至8%，其中只得科指6月嘅升幅仲未跌凸，而國指係3大指數中表現最差，雖然科指仲未跌凸，但截至今朝10點，科指成分股今個月暫時只得京東健康(06618)有得升，而跌得最多嘅科指成分股，大多數係之前因為市況好，同埋資金熱炒嘅二三線科網股、SaaS股。
不過，隨著市況轉差，呢啲股份都碌返晒落嚟，今個月暫時表現最差係明源雲(00909)跌35%、商湯(00020)跌25%、萬國數據(09698)跌19%、舜宇光學(02382)跌15%，閱文集團(00772)跌12%。
