【Now財經台】中國財險(02328)截至6月底止整體原保險收入，按年升10%至逾2700億人仔，瑞信估計，財險上半年稅後盈利按年增長15%，而Q2盈利更大幅反彈30%，主要受惠於承保利潤增長及A股表現，睇嚟財險上半年份成績表應該唔錯？
紅蟻資本投資經理李澤銘指，財險股價走勢的確幾好，之前電動車同傳統車保費差唔多，但舊年年尾開始，電動車保費已大幅上調，成為財險保費收入其中一個增長動力，雖然4月、5月新車銷售數量較差，但6月強勁反彈，拉勻條數令上半年都有個位數增長，加上汽車補貼政策持續，估計下半年汽車銷售仍處於增長狀態，帶挈車保一齊升。
Alan又話，若以財險現價約8.4元，上望9元阻力位，水位就唔多，不過，如果股價之後跟隨大市調整，就可以睇住呢個位入場...
