【Now財經台】截至早上11止，1小時內《彭博》用戶關注度上升最多港股，依次為國泰航空(00293)、比亞迪股份(01211)、碧桂園(02007)、萬科企業(02202)、建業地產(00832)。
醫務衛生局局長盧寵茂接受《南華早報》訪問指，本港有一國兩制優勢，防疫政策毋須複製內地，預期11月初來港參加國際投資峰會人士入境香港時，有望有條件免隔離檢疫，國泰股價係咪值得憧憬？
獨立股評人譚智樂指，市場未必炒緊香港有自己一套防疫措施，美股噚晚表現唔太理想，但航空板塊成為資金追捧對象，短線嚟講，國泰問題唔大，今朝一度上試8.8元，但升唔穿。
Arnold認為，當市場關注經濟衰退時，航空股都好難獨善其身，因為航空股同經濟敏感度有較高關聯性，一旦經濟衰退，旅行意慾及商務旅遊都會大減。佢又提醒，要留意一旦防疫措施放寬速度慢過預期，短線會有調整壓力，建議等股價回落至8元以撈貨。
