【Now財經台】藥明康德(02359)噚日收市後發盈喜，但大行冇乜正面評價之餘，更畀中金削目標價，加埋受A股拖累，其他CRO H股都要跌，其中凱萊英(06821)AH更齊齊插水，係咪反映市場對CRO股失去信心？
獨立股評人莫灝楠指，以藥明生物(02269)為例，雖然今年市盈率(PE)跌至逾50倍，但每年盈利增速仍有80%至90%，股價跌咗落嚟，主要係呢類高增長企業容易受加息影響，另一方面，中美關係仍存在不確定性，亦解釋到點解大行會劈目標價，喺大市氛圍悲觀，而市場畀嘅估值又好低，反而就造咗一啲反彈空間，但就要跟得貼啲，例如留意中美貿易新聞、股份技術走勢，始終CRO股比較chok，但前景唔係睇得咁差。
