【Now財經台】截至早上11點止，1小時內《彭博》用戶關注度上升最多港股，依次為火幣科技(01611)、中國銀行(03988)、廣汽集團(02238)、中國海洋石油(00883)、龍湖集團(00960)。
火幣股價喺大成交下異動，一度抽升逾90%，截至早上11時25分，成交股數較過去100日同時段飆82倍，睇返行業基本面，比特幣(Bitcoin)價格未見異動，會唔會同集團喺美國取得金融犯罪執法局頒發嘅貨幣服務業務註冊許可(MSB)，憧憬公司合規進程邁進一大步有關？
椽盛資本投資總監曾永堅指，依家美國政府對虛擬貨幣嘅監管態度係有緊無鬆，加上逐步回收注入市場嘅資金，令虛擬貨幣市場一度非常波動。
Jaseper又話，喺美國監管政策及「收水」影響下，一定對虛擬貨幣造成衝擊，再睇埋火幣技術走勢，雖然今日升咗咁多，但其實仲未擺脫由上年29.55元嘅高位跌落嚟所形成嘅下降軌，投資者必須注意風險。
