【Now財經台】近日國家能源局發布《防止電力生產事故的二十五項重點要求》，強調儲能電站要安全第一，所以內地今日熱炒釩電池概念股，多隻股份升停，當中上海電氣(02727)A股係升停股份之一，加上成交大增，帶動H股大升，早段曾升近15%，高見2.23元，升穿埋2.1元的250天線，最新繼續在高位徘徊。
上海電氣近年構建以新能源為主體嘅電力系統有儲能概念，不過，集團早年大重組，上年盈轉虧，蝕高達99億人民幣，近年密密進行收購合併，調整業務重點。公司去年業績提到，新增訂單中儲能佔比只佔總額不足5%，睇嚟儲能概念要為集團帶嚟重大貢獻為時尚早。睇下收市能唔能夠守住條250天線，先可以確認股價係咪轉強。
