【股市脈搏】完美醫療捱沽 主席出手都托唔到

【Now財經台】完美醫療(01830)上周四收市後公布全年業績，今日要捱沽，低開5.4%後跌幅好快擴大到超過11%，低見3.75元。

公司中午出通告話大股東兼主席歐陽江今日在場外增持股份，用左約1000萬增持250萬股，即平均大約每股4蚊，似乎好想穩定股價，但增持規模其實相當細，托價作用不大。

完美醫療股價走勢無論喺業績前定業績後都係弱，3月大跌市低位見過3.66元，如果呢個位守唔到，再向下睇，較大支持位要到2.6元至2.7元呢啲前平台區。